Gwamnatin Tarayya ta bayar da umarnin gaggawar rufe makarantun ta na sakandare guda 41 saboda yawaitar matsalolin tsaro, wato waɗanda ake kira Federal Unity Colleges.
An fitar da wannan umurni ne ta cikin wata takardar sanarwa mai ɗauke da ranar 21 ga Nuwamba, 2025 daga Ma’aikatar Ilimi ta Tarayya.
A cewar takardar, Ministan Ilimi ya amince da rufewar ne sakamakon “sabon ƙalubalen tsaro” a wasu yankunan ƙasar nan da kuma buƙatar kauce wa duk wata barazanar tsaro.
An umurci shugabannin makarantun da abin ya shafa da su aiwatar da rufewar ba tare da ɓata lokaci ba.
Ma’aikatar ta lissafa dukkan makarantu 41 da ke jihohi a yankin Arewa-maso-yamma, Arewa-maso-gabas, Arewa-ta-tsakiya, da wasu sassan Kudu.
Daraktar Sashen Manyan Makarantun Sakandare, Hajiya Binta Abdulƙadir, ita ce ta sanya hannu kan sanarwar, a madadin Ministan.
“Saboda sababbin ƙalubalen tsaro da aka samu a wasu sassan ƙasar nan da buƙatar kauce wa duk wata barazanar tsaro, Mai Girma Ministan Ilimi ya amince da rufe waɗannan Federal Unity Colleges (FUCs) nan take. Ana umurtar shugabannin makarantun da abin ya shafa da su tabbatar da cikakken bin wannan umurni,” inji sanarwar.
Ga cikakken jerin makarantun a ƙasa:
1. FGGC MINJIBIR
2. FTC GANDUJE
3. FGGC ZARIA
4. FTC KAFANCHAN
5. FGGC BAKORI
6. FTC DAYI
7. FGC DAURA
8. FGGC TAMBUWAL
9. FSC SOKOTO
10. FTC WURNO
11. FGC GUSAU
12. FGC ANKA
13. FGGC GWANDU
14. FGC BIRNIN YAURI
15. FTC ZURU
16. FGGC KAZAURE
17. FGC KIYAWA
18. FTC HADEJIA
19. FGGC BIDA
20. FGC NEW-BUSSA
21. FTC KUTA-SHIRORO
22. FGA SULEJA
23. FGC ILORIN
24. FGGC OMUARAN
25. FTC GWANARA
26. FGC UGWOLAWO
27. FGGC KABBA
28. FTC OGUGU
29. FGGC BWARI
30. FGC RUBOCHI
31. FGGC ABAJI
32. FGGC POTISKUM
33. FGC BUNI YADI
34. FTC GASHUA
35. FTC MICHIKA
36. FGC GANYE
37. FGC AZARE
38. FTC MISAU
39. FGGC BAJOGA
40. FGC BILLIRI
41. FTC ZAMBUK
