Fitattun ‘yan wasan da ake ji da su a duniya, Kylian Mbappe na Real Madrid da Harry Kane na Bayern Munich sun kafa tarihi a shekarar wasan ƙwallon ƙafa ta 2025.
Yayin da Harry ya ci ƙwallaye 60 a gasar Bundesliga da sauran wasanni ta Jamus, shi kuma Mbappe ya zura ƙwallaye 59 a gasar La Liga da sauran wasanni na Real Madrid a Spain, cikin 2025.
Kane ya sake kafa wani sabon tarihin da shi ne ɗan wasan Bundesliga na farko da ya fara cin ƙwallaye 100 a cikin wasanni 78 a tarihin Bundesliga.
Mbappe shi ma ya kafa tarihin yin daidai da Cristiano Ronaldo a Madrid, domin a baya Ronaldo ne kaɗai ya taɓa cin ƙwallaye 59 cikin shekara ɗaya a ƙungiyar. Ronaldo dai ya ci ƙwallaye 59 ne a Real Madrid cikin 2013.
