An ga watan Shawwal a ƙasar Saudiyya (KSA) a yau, saboda haka yau ce ranar ƙarshe ta watan Ramadan, kuma gobe ce ranar Ƙaramar Sallah – Eid Al Fitr.
Tun a jiya Juma’a Kotun Ƙoli ta ƙasar ta yi kira ga jama’a da su sa ido wajen duban wata, a cewar kamfanin dillancin labarai na Saudiyya, wato Saudi Press Agency (SPA).
Yanzu an sa ido a Nijeriya a ji ko za a ce an ga watan, wanda zai sa gobe take Sallah idan an gani, idan ba haka ba kuwa za a cike azumi kwana talatin.
