Ministan Kasafin Kuɗi da Tsare-tsaren Tattalin Arziki, Sanata Abubakar Atiku Bagudu, ya yaba da ƙoƙarin ma’aikatan da ke aikin gina Babbar Hanyar Sakkwato zuwa Badagiri, tare da ƙarfafa musu gwiwa da su ci gaba da aikin yadda ya kamata.
Bagudu ya bayyana hakan ne a yau Litinin, 17 ga Agusta, 2026, yayin da ya kai ziyarar gani da ido domin duba yadda aikin hanyar yake gudana a yankin Jihar Kebbi.
Ministan ya nuna jin daɗin sa kan yadda aikin ke tafiya, ya yi kira ga ma’aikatan da su ci gaba da jajircewa wajen ganin an kammala aikin cikin nasara.
Wannan hanyar tana daga cikin muhimman ayyukan raya ababen more rayuwa na Gwamnatin Shugaba Bola Ahmed Tinubu ƙarƙashin shirin Ajandar Sabuwar Fata (Renewed Hope Agenda).
Ana sa ran cewa kammala aikin zai inganta zirga-zirgar ababen hawa tsakanin arewacin Nijeriya da Kudu-maso-Yamma, rage tsawon lokacin tafiye-tafiye, da kuma bunƙasa harkokin kasuwanci da tattalin arziki a yankunan da hanyar za ta ratsa.
